Birbank Biznes

Biznesmen və ya sahibkarsınızsa, Birbank Biznes tətbiqi məhz sizin üçündür. Çünki bu tətbiq bankla bağlı işlərinizi, elə həyatınızı da asanlaşdıracaq üstünlüklərlə doludur. Özü də indi daha funksional, rahat və sadə interfeysdə! Birbank Biznes tətbiqi maliyyə, biznes krediti, transfer və digər mövzularda köməyinizə çatacaq. Burada istər dollar, istər manat, istərsə də avro və digər valyutalarda olan hesablarınız sizə telefonunuz qədər yaxındır.

Funksionallıqlar

Birbank Biznes tətbiqi hesablara nəzarətdən QR-kod ilə nağdlaşdırmaya, beynəlxalq köçürmələrə qədər bir çox funksionallığa sahibdir. Bu o deməkdir ki, bank əməliyyatlarını filiala getmədən, istənilən yerdə və istənilən vaxt tətbiqlə onlayn edəcəksiniz. Bu isə sizə xeyli vaxt qazandıracaq. Həmin vaxtı biznesinizə, onu daha da böyütməyə sərf edə bilərsiniz.

Sənədləri onlayn imzalamaq

Birbank Biznes-də nəinki köçürmə və ödənişləri etmək, həmçinin sənədləri də tətbiqdəcə imzalamaq mümkündür:

• Hesablarınız arasında köçürmələrin yaradılması və imzalanması
• Bankdaxili və ölkədaxili köçürmələrin yaradılması və imzalanması
• Ölkəxarici (beynəlxalq) ödənişlər və valyuta mübadiləsi əməliyyatlarının yaradılması və imzalanması
• Kommunal, büdcə və digər ödənişləri özündə birləşdirən HÖP ödənişlərinin yaradılması və imzalanması

Ödənişlərdə və nağdlaşdırmada rahatlıq

• QR-kod ilə kart hesabı və cari hesabdan asanlıqla nağdlaşdırma
• “Kliklə, ödə” funksionallığı vasitəsilə link və QR-kodla ödənişlərin qəbulu
• Ödənişlər üzrə şablonların yaradılması
• Əməkhaqqı mədaxili

Biznes məhsullarının asanlıqla sifarişi

• Android telefonda ödənişlərin qəbulu üçün Mobil POS sifarişi, həm də taksit funksiyalı
• Visa Business; Visa Business Digital; MC Digital; Sahibkar kartlarının sifarişi
• Biznes kartlarının ünvana çatdırılması

Daim yenilənən məlumatlar

Tətbiqdə valyuta məzənnələri mütəmadi olaraq yenilənir. Beləcə, ən son valyuta dəyişikliklərindən sürətli şəkildə xəbərdar olacaqsınız. Bankomat və terminalların ünvanları haqda məlumatları da tətbiqdə tapmaq mümkündür.

Digər üstünlüklər

Eyni zamanda tətbiq vasitəsilə cari hesabdan 1 ilə qədər çıxarış etmək, həmçinin hesablara, kartlara və sərəncamlara nəzarət etmək də mümkündür.